සැඟවුන කතාව...
මේ මුල්ම ඡායරූප දෙක මම ගත්තේ අවුරුද්දට අපි බාප්පලාගේ ගෙදර ගිය වෙලාවේ.ඉතින් හිතා ගන්නකෝ නෑගම් ගිය වෙලාව.අපේ බාප්පත් ටිකක් අමුත් ගතිගුණ තියෙන කෙනෙක් වුනත් අර හැම පුද්ගලයගෙම මොකක් හරි සුවිශේෂීත්වයක් තියෙනව කියල කියනවා වගේ එයත් හරිම කැමතියි ස්වභාව සෞන්දර්ය අත් විඳින්න.එයා දවල් දවසට ගෙදර ඉන්නවවනම් කරන්නේ වත්තේ ඇවිදින එක .ඒ වෙලාවට ඉතින් ඔන්න අනිත් අය නොදකින මොකක් හරි හොයා ගන්නවා. රෑටත් ඉතින් එයා කරන්නේ හතට අටට විතර විදුලි පන්දමකුත් අරගෙන වත්ත පහළ ඇවිදින එක.හැබැයි හොරු අල්ලන්න නම් නෙවෙයි.මොකද හොරු එන්නේ ඒ වෙලාවට නෙවෙයිනේ.ඉතින් එදාත් අපි ගිය වෙලාවේ බාප්පා ඇවිදිනවා.ඔන්න ඔය වෙලාවේ තමයි මේක දැකල තියෙන්නේ. මෙතන ඉන්නෙ කුරුළු පවුලක්. දෙපැත්තේ ඉන්නේ අම්මයි තාත්තයි.සත්ව ලෝකයේ වුනත් මව්පිය සෙනෙහස කොතරම් නොඅඩුව දරුවන්ට ලැබෙනවද කියලා පේනවා නේද?මම ළඟට ගිහින් මෙම ඡායාරූප ගන්නවවත් මේ අය දන්නේ නැහැ.ඒ තරම් තද නින්දක ඒ අය හිටියේ.හැබැයි ළඟට පෙනුනට මේ අත්ත තිබුනේ කිසිම සතෙකුට ළඟා වෙන්න අපහසු විදියට.
ඉද්ද කරල..
සැඟවුන කතාව...
මේ තියෙන්නේ අපි දකින සාමාන්‍ය ඉද්ද ගහේ කරලක්.මේකේ බීජ ඉඹුල් මල් වගේ සුළඟේ පාවෙලා යන්න අනුවර්තනය වෙලා තියෙන්නේ.මේකත් බීජ පරිනත වූ පසු ඒවායේ ව්‍යාප්තිය සිදුවීමට ස්ඵෝටනය වූ කරලක්..මේකට කියන්නේ ඉද්ද කියලදකිරි ඉද්ද කියලද නම් මම දන්නේ නැහැ.කවුරු හරි හරිම නම කියන්න ඔන්න මම පින්තූරෙකුත් දැම්මා..
වෙසක්..
සැඟවුන කතාව...
ඔන්න ඉතින් කැන්ඩිත් ගියා මෙදා පාරත් වෙසක් බලන්න.මේ ඡායාරූප ගත්තේ ඒ යන අතර මගදී තමයි.කැන්ඩි වෙසක් බලන්න ගියේ කැන්ඩිට ඉන්න හැට හුටහ මාරක අයියල කට්ටිය එක්ක තමයි.ඔන්න එක්කෙනෙක් නම් විදේශ ගත වෙලා නිසා ගමනට එකතුවුනේ නැහැ.එයත් හිටියනම් ඔක්කොම හිටියා කියලා කියන්න පුළුවන්.ඉතින් කියනවා නම් වෙසක් බැලිල්ල කොච්චරද කියලා කලින්දා රෑ අටට නමයට ගිය කට්ටිය ගෙදර ආවේ පහුවදා උදේ හයට විතර.ඉතින් වෙසක් බැලිල්ල කොහොමද කියලා හිතා ගන්න පුළුවන්නේ නේද?
හැබැයි ඉතින් බලන්න ඔනේ කියන හැම එකම බැලුවා කොළඹ නගරය ඇතුලත ,කොළඹ නගරය අවට තියෙන සියලුම වෙසක් තොරණ පහන් කූඩු සියල්ල නැරඹුවා.කොහොමින් හරි කැළණිය තොරණත් බලලා තමයි අන්තිමට ගෙදර ආවේ.ඔය සියල්ලම කැන්ඩි ඡායරූප ගත කළත් කැන්ඩිගේ දුරකතනයේ දෝෂයක් නිසා ගත්ත ඡායාරූප වලින් හතරෙන් තුනක්ම මැකිලා ගියා.ඒ වුනාට ඉතින් ඉතිරි වෙච්චි ඒවා හරි කැන්ඩි ඔන්න පෙන්නන්න හිතුවා.ඔය පෙන්වලා තියෙන ඡායාරූපයේ දැක්වෙන තොරණ අතුරුගිරිය නගරයේ ප්‍රදර්ශනය කළ තොරණ.අනෙකුත් ඡායාරූප වල දැක්වෙන පහන් කූඩුව තමයි ප්‍රථම වරට බෙල්ලන්විල විහාර පරිශ්‍රයේ ප්‍රදර්ශනය කළ ගුණසේන කුරුකුලසූරිය මහතාගේ පහන් කූඩුව.වෙනත් වර්ෂ වලනම් මෙය ප්‍රදර්ශනය කළේ සීදූවේදීය.මෙය කවුරුත් දන්නේ සීදූවේ පහන් කූඩුව කියලා.මමත් හරිම ආශාවකින් මේක නරඹන්න ගියත් හැමෝම කිව්ව විධියේ ලස්සනක් මේකේ තිබුනද කියලත් මට හිතුනා...ඕක ඉතින් මගේ අදහස හොඳේ..කාටවත් අපහාසයක් එහෙම නෙවි.
කැන්ඩි...
2 comments:
කුරුල්ලො උනත් ඉතින් ආදරේ වෙනසක් නෑ..........
ඔයගොල්ලෝ නිදාගත්තට හොඳ සෝදිසියෙන් ඉන්නේ. අපේ පේර ගහෙත් දෙතුන් දෙනෙක් නවාතැන් ගන්නව ඒත් ෆ්ලෑශර් එකට යන්න ගිහින් අතරමන් වෙයි කියන බයට මං ෆොටෝ ගන්නෑ........
වෙනද වගේම නියමයි............
@ හා පැටික්කි...
හැමදාම වගේ අදත් මේ පැත්තේ ආවට ස්තූතියි.......
Post a Comment